Aizawl March 9, 2023 : Vawiin khan PC Party chuan an President Vanlalruata kaihhruaina a Elected OB te chu an office, Zaluta Building, Venghlui-a thukhawm chuan Lunglei Municipal Council (LMC) Election lo awm turah PC Party in Candidate hran siam lovin Party mite chu mitha leh rintlak thlang mai turin zalenna pek nise an ti.

PC Party chuan Lunglei khawpui chhûnga veng te'n hmasawnna changtlung zawk siam sak thei tur Lunglei Municipal Council an nei ta leh hemi a mawhphurhna kengtu turte thlanchhuahna hun leh hmun ruahman fel a ni ta chu lawmawm an ti a; Muanawm taka inthlanna fel leh tha nei turin duhsakna an hlan.

PC Party Elected OB meeting in Lunglei Municipal Council (LMC) inthlanna neih tur chungchâng an ngaihtuah a, General Headquarters Office thiah leh sak that buaipuia tul lai tak a ni nen, tun tum Lunglei Municipal Council inthlana-ah hi chuan chuh ve lo mai an ti tlu a ni.
Hetih rual hian Lunglei lama  PC Party mi leh sa te chu candidate te zinga mi tha leh rintlak te chauh thlang turin zalenna (Free hand) pek mai nise an ti bawk.