Aizawl: Kumina Local Council inthlan ah kum 2015 inthlan aiin MNF party chuan nasa takin hma an sawn a, a hmaa Local Council 38 an neihna ah LC 50 an la tling.

Kum 2015 khan MNF party hian veng 38 ah sawrkarna an siam a, kumin ah hian Local Council inthlanna hi veng 24 ah neih theih a ni lo a. Veng 59 inthlanna neih ah MNF hian veng 50 ah chakna an chang a, chakna an channa hi 84.75% a ni. Congress party chuan kum 2015 khan veng 39 ah sawrkarna an siam a, kumin ah hian veng 4 ah sawrkarna an siam dawn a, Congress chakna hi 6.78% a ni a, ZPM chuan veng 1 ah sawrkarna an chang dawn bawk a, ZNP chakna hi 1.69% niin veng 4 ah sawrkar thei khawpa chak an awm lo thung a ni. Chak bik awmlohna veng te hi Phunchang, Tuivamit, Chawlhhmun leh Venghlui te an ni.