ZALEN January 30, 2025 : AMC Corporator Rosiamngheta, MPCC Secretary chuan Local council inthlan lo awm turah sawrkarlai hian hmasawnna hmathehin a zuar mek a, an party thawhpui theih thlang turin a nawr mek a ni, hei hì behchiandawllo inkaihhruaina a ni a, Local Council hi municipal hławh pek, Municipal thuneihna hnuai a awm an ni, a ti.

Chanchinthar lakhawmtute a hmachhawn naah Rosiamngheta chuan, "Local council-a thlang tlinga hmasawnna min tiamtute hian hriatfuhloh an nei a, Local council kaltlang lo pawn hmasawnna hi kan vengah an rawn thawk thei, Sawrkar nen inzawmna an nei lem lo. Local council hi chu municipal tih tur tuk leh vengchhung mipuite inrelbawina enkawi a ni a, sawrkar inrelbawinaah Local council hi a inrawih lo. Chuvangin kan vengah theuh kan chunga roreltu atana tha kan tih i vote ang u," a ti.

"Local councilte hian sum hi khawtlang enkawlna hi tax devolutuion, Finance Commission atangin an dawng a, tin Property tax an khawn chhuah atanga 5% hi Local council account ah a lut bawk, Vai permit sign na hi pakhatah Rs 1000/- an la ni a sawi a ni a, thil dangah hming sign man te hi Rs 500/- te an la la an ti bawk, chung chu Local council ah hian an dah lut em? Parking-a lo la te pawh an awm hial awm e, Local council hi sum zawnna a ni lo va, mipui tana rorelna tha thlenna tur a ni," a ti bawk

MPCC Secretary chuan, "Local council chu kan khawtlang roreltu tur an ni a, Sawrkar laiin an party thlang tling a hmasawnna lo kal tur anga an inzuar hi mipui hmangaihna aia Party hmangaihna a ni a, kan zalenna khawihchingpen an duh vang a ni. Kan thuruk enkawltute ti pawn sawi ila a dik thei hial ang, uluk taka kan thlan a ngai," a ti.