ZALEN May 22, 2025; Lunglei Electric Veng local council chuan nizan hmasa khan an veng chhunga raltlante tlawh chhuakin, Myanmar ID an neih te an kawl sak. ID nei lo te chu hun tiam chhunga nei tura hriattirin, ID nei lo te chu an vengah an awmzui zel a rem dawn loh thu an hrilh.

Lunglei Electric Veng local council chuan an remchan hun a piang a an veng leh Myanmar an kartawn chu ruihtheih thil leh an khawtlang tan thil tha lo a thlen theih avangin tha an ti lo tih an sawi a, hetiang a nih avang hian raltlan te chu tlawhin Myanmar raltlante tlawhin an ID te an kawl sak a ni.

Local council hruaitute chuan an vengchhungah Myanmar raltlan 113 an awm thu an sawi a. ID nei lo leh ti bo insawi an awm a, chungte chu hun bituk siam sakin, Myanmar raltlan an nihna tichiang thei tur lehkhaw pawimawh an neih loh chuan an vengah awn awm chhunzawm zel thei dawn lo tih an sawi. ID an kawl sak te chu tul bik thil ah chuan an pek chhuah theih tur thu an sawi bawk.