Aizawl: Mizoramah inkharkhip kalpui a nih atanga nimin Inrinni thleng khan Aizawl Civil Hospital Blood Bank-ah mi tlawmngai ten thisen unit 389 an pe tawh.

Thudawn danin Civil Hospital, Aizawl hian thisen pangngai chu an ngah tawk a, thisen var erawh an nei tam lo, a chhan chu thisen var hi a dam rei loh vang a ni. Hei vang hian thisen var neih khawl sa an nei thei meuh lo.
March 23 atanga Mizorama lockdown kalpui a nih hnuah CYMA leh Civil Hospital Blood Bank ruahmannain YMA branch 5 vel thisen pe tura ngen an ni a, branch 2-in an pe hman. Social distancing a tih theih meuh loh avangin camp neih tura ruahman sa chu tihtawp rih a ni.
Synod Hospital Blood Bank-in an ngen angin Durtlang Branch YMA-te'n lockdown chhungin donation camp vawi 3 an nei tawh a, section indawt te tein an pe thin. District hospital hrang hranga blood bank-ah NSS vollunteer te, kohhran thalai pawlte'n lockdown chhungin thisen an pe thin bawk.