September 12, 2023; Hyderabad a bike in a sut hlum, Loisi Lalzarliani (32) d/o V. Lalbiakrema, West Saizawh chu nizan khan Hyderabad Mizo Association (HMA) ten thlahna hun an hmang a, vawiin ah Mizoram panpui a ni ang.

HMA buatsaihin Loisi Lalzarliani thlahna hun hi nizan dar 10 khan St. George's Church, Abids ah hman a ni a, he hun hi Samuel L. Ralte, President HMA in kaihruaiin, Rev. R. Lalrinmawia, Patronin hunserh a hmang a, chhiattawk chhungte leh HMA aiawh ten thu an sawi.

ZALEN thudawn danin, Loisi Lalzarliani ruang hi vawiin ah flight in Mizoram rawn panpui a ni ang a, Lengpui Airport atangin Ambulance in an khua, West Saizawh, Lunglei district panpui a ni ang a, ruahman dan chuan naktuk ah vui a ni ang.

Tarlan tawh angin, Loisi Rozarliani hi kum 3 dawn Hyderabad ah hnathawk a awm tawh a ni a, in luahin a khawsa a, tunhnai khan a nau mipa in finin, nizan hmasa khan a nau nen khawpui chhung hmun thenkhat an fang a, chumi an haw lam, kawngpui an kan chu bike in suin, ka chhawn loin a hmunah a boral a ni.