Aizawl January 16, 2023: Zoram Thar Zofate Lairelna Inpui hruaitute chuan vawiin khan kum puan hun an hmang. Zoram Thar Zofate Lairelna Inpui hruaitu Dr. Zaichhawna Hlawndo chuan Kum 2023 hi Zofate Pathian Lal Ram tana Intihthianghlim kum ah a puang a, Corruption laka fihlim turin Lok Ayukta ni lovin Thlarau Thianghlim hmanga in tih thianghlim a ngaih zawk a ti.

Zofate chenna ramah Pathian Lal Ram Sawrkar a din theihna turin mipuite  kan in tih thianghlim a ngai tiin intihthianghlim tura hmalakdan tur te a puang nghal.

Zoram Thar Zofate Lairelna Inpui chuan Party politics bawlhhlawh atanga inthiarfihlima in tih thianhghlim a ngai. Kan ram rorelna atana ringlote tih dana party politics bawlhhlawh, Kristianna leh Zonunmawi kalh rorelna hi  bansan a ngai, tiin, Chhungtin ruihtheih thil lakah kan in tih thianghlim a ngai. Ruihtheih thil - Zu, drugs, zuk leh hmuam lakah in tih thianghlim a ngai, an ti.

Chhungtin te duhamna, milem biakna leh eizawnna thianghlim lo leh sum leh pai thianghlim lo lakah in tih thianghlim a ngai, tiin Corruption laka fihlim turin Lok Ayukta ni lovin Thlarau Thlianghlim hmanga in tih thianghlim ngai an tih zawk thu an sawi.

Zofate min thendarhtu leh min indo tirtu - Sakhuanna leh mahni pawl tihdan pathianna lakah in tih thianghlim a ngai thu leh Chibing in lak hranna Zofate thlahtu bul thuhmun leh unau te thendarh tirtu lakah kan in tih thianghlim a ngai, an ti bawk. 

Kum puan bawhzuina atan hian Chawnghei Tawngtai Rammut January 23-25 hian PB Vanlalauva Memorial Camping Centre ah an nei dawn a. He Chawnghei Tawngtai hi lânga chhim duhte tan pawh a chhim theih ang.