Aizawl May 22, 2023 : Mizoram chhunga TV news reader hriat hlawh tak Vanlalchhuangi Hnamte chuan kum 25 chhung chanchin thar a puang tling ta a, a ni anga TV lama chanchin thar puang rei Mizoramah an awm hriat a ni lo.

Machhuangi hi kum 1998 atangin LPS Vision-ah hian thawk chhuak tanin, kumin hi chhum lo chat lo a chanchinthar a puan kum 25-na a ni a, a chhungte R. Tlanghmingthanga te chhungkua Liando Family, Venghlui te'n news a chhiar kum 25-na, Silver Jubilee chu May ni 20, 2023 khan an lawm sak.

Machhuangi hi LPS-a chanchinthar puang rei ber a nih bakah Mizoramah ani anga TV-a chanchinthar puang rei an awm hriat a ni lo a, Mizoram record nia hriat a ni.

A lawmna inkhawma LPS-a thawk te'n an sawi danin, Machhuangi hi LPS ah a thawh tan tirh chuan receptionist a ni thin a, an pu, Lalsawmliana Pachuau chuan a talent tha tih hria in, chanchin thar a puan tir a, tunah chuan Mizorama chhum lo chat loa, chanchin thar puang rei ber leh Mizorama chanchin thar puang thiama chhal a ni.