September 13, 2023; Nizan ruahsur vanga Tuikual lui lianin a lak, Dinthar veng mi Lalhmingmawia (54) H/o. H. Lalremveli chu tukin dar 8 thleng khan hmuh a la ni lo a, zawn mek a ni.

Lalhmingmawia Dinthar mawng a cheng hian Tuikual lui ral lehlamah vawk In a nei a, nizan dar 8:30 vel ruahsurah khan Tuikual lui lian hian a vawk a lak hlauin a va pawm phei a, vawk hi a tal chhuak a, chumi man leh tum chu tuilian hian a la ta a ni.

Nizan khan Dinthar khawtlang leh veng thenawm mi tlawmngaiten an zawng nghal a, bialtu AMC Corporator, Dy Mayor ni bawk R.Thanglura'n a thutchilh bawk a, Champhai atanga zin haw Minister Lalruatkima chu tuitla zawnnaah hian tlang nghalin a uap bawk.

Nizan khan dar 1:45 thleng zawn a ni a, hemi hnu hian a nawlpui chuan tinsan rihin tukin hian vawiin lama zawn dan tur Local Council, YMA leh NGO hruaituten an ngaithuah leh a, dar 9 hian chhuah khawm leh an tum nia hriat a ni.

Lalhmingmawia hian nizan khan Upa bialah Beihrual thupui pawh a hawng a ni.