ZALEN May 22, 2025; Nimin zinga Aizawl Chaltlang Lily Veng; Sairang Road-a lung tlain kawngpui a dan chah chu thenfai mek zel a ni a, lung toh lawt la tla maithei a awm nia hriat a nih avangin mipuite chu helai kawng hi la hmang rih lo turin traffic thuneituten an chah.

Nimin zing dar 4:30 vela lung tla chu National Highway Division-ten a thenfai hna an thawk a, tun dinhmunah lirthei one way a tlan thei turin thenfai tawh a ni. Hetihrual hian nimin tlaia inspection team ten an endiknaah helai hmunah hian lung toh lawt la tla maithei awm nia an hriat avangin mipuite chu helai kawngpui hi la hmang rih lo turin an chah tih Aizawl traffic police hotute chuan an sawi.

Tarlan tawh angin, nimin zing dar 4:30 vel khan Chaltlang Lily Veng; Sairang Road, Hrangbana Petrol pump thlanga lung tla chuan Domestic Gas Cylinder phur pakhat a hnawl avangin lirthei khalhtu chuan hliam tenau a tuar a, nunna chen erawh an awm lo.