ZALEN June 05, 2026 : Lawngtlai district-a Lunghauka leh Darnamtlang khuaah tuihri (cholera) nia hriat a lêng mek a, a darh zel tur ven nan heng khaw pahnih tlawhpawh phal a ni lo.

Darnamtlangah hian he natna vang hian mi pahnih an thi tawh nia hriat a ni.

Hri lêng chungchangah hian Lawngtlai bawrhsap hmalaknain sorkarin a theih angin a bawhzui nghal a, medical team-ten heng hri lènna hmunte hi an vil reng a. Bawrhsap chuan mipui lo chiai lo tur leh damdawi lam thiamte thurawn ngai pawimawh turin mipui a ngen.

Nikum November thla vel khan Lawngtlai district-a Kakichhuah leh Hruitezawl khuaah pawh tuihri nia hriat a lêng tawh a, Kakichhuahah hian mi paruk velin an thih phah a ni.