ZALEN February 12, 2025 : Lunglei Police leh Excise te chuan ruihhlo vaia an duty na lamah tuin zing dar 2:30 vel khan zu phur ni lo mah se, an motor chu ringhlelin Excise duty te chuan DSB Duty te be pawpin Bazar Veng, Lunglei thlen dawn Lungchhe ngaw chhukah an lo ti ding a, he lirthei Maruti Alto LXI (Silky silver color) Regn. No. MZ01 S 3210 atang hian ralthuam thahnem tak an man.

He lirthei atanga hian heng a hnuaia ralthuam leh a mu te hi an man :

1. AK 47-2 Nos.

2. M4 Carbine - 5 Nos

3. Magazines - 20 Nos

4. Live Amns of 7.62MM - 504 Nos.

5. Live Amns of 5.56MM - 4675 Nos.

6. Pawisa fai Rs. 49,550/- leh ID cards, ATM Cards, Sim Card and Mobile phone panga.

He motor a chuang mi pathum - Roni Chakma 45yrs s/o Kali Kumar Chakma, Hospital Para, Manu, Dhalai, Tripura ; Anirban Chakma 34 yrs s/o Badhi Chakma, Adubangasora, Lawngtlai Distt leh Ribeng 24 yrs s/o Nagendra Lal of Tipperaghat, Lunglei te chu man nghal an ni

He mi chungchang ah hian Lunglei Police Station ah thubuai, Lunglei PS Case No. 22/25 dt. 12.2.2025 u/s 25 (1A)/ 25 (1) (a) Arms Act, 1959 ziah luh a ni a, he thil kaihhnawih thei thil dangte pawh uluk taka chhui zui chhoh nghal mek a ni.