Lunglei: Excise & Narcotics, Lunglei chuan Dt 18.09.2020 khan Aizawl atanga Lunglei a rawn lakluh rakzu 275 litres (Amawii sial um 275, litre 1 bur theuh), IMFL um 7 leh a phurhna Taxi leh mi pahnih Pukpui daiah an man.

Excise ten zu kaihhnawiha mi 2 an man te hi Biakchungnungi (35) leh Lalruatkima (28) te an ni a, Biakchungnungi zawk hi zu neitu niin a inchhal nia thudawn a ni. Judicial Magistrate, Lunglei ; 1st Class, District Court leh CMO, Lunglei hmalaknain Covid 19 RAgT an test a, an negative hnuah district jail lama khunghran tura dah luh an ni.

Rakzu litre 1 bur hi Rangvamual-ah Rs 200/250 a nih laiin Lunglei ah Rs 700/800 bawra hralh thin a ni a, IMFL hi um khat 2500 a zawrh thin a ni bawk.