ZALEN February 27, 2025 : MNF Sub Hqrs, Lunglei President Vanlalhmuaka chuan Lunglei khawpui chhung Assembly Constituency pali - Lunglei North, South East leh West AC bial te chu bial ruak a nih thu a puang nawn a. Block, Group, Unit leh mimal ang pawhin candidate tur lo sawm tu tan mah a thian loh thu a sawi.

Vanlalhmuaka chuan, "A hunah kan hotuten candidate tur chu an la ruat mai ang. Tute pawh lo ding se, bial him, MNF-in MLA kan neih ngei ngei theih theih kan vaiin theih tawp chhuah a tanlak a tul," a ti.

Vawiina Lunglei West AC MNF South Block Office Bearer meeting Venglai Hall-ah neih a ni a. He hunah hian MNF Sub Hqrs Lunglei President chuan, "MNF hi ZPM a chhiat avangin a tha ngawt lova, hruaitute atangin kan insiam that a ngai a. Hruaitute chuan member te aiin kan in pekna a sang zawk tur a ni a, Kan thawh lehna tur chuan Nationalism (Zozia), 'kei kei ti lo a, nang zawk' tih nun, midang tana inchhit ralna nun hi a ni," a ti bawk.