August 12, 2022; Mizoram sawrkar chuan Lunglei Municipal Council (LMC) a Chief Executive Officer (CEO) tur leh Secretary tur ruatna 'Notification' a tichhuak.

Mizoram sawrkar a Department of Personnel & Administrative Reforms (DP&AR) chuan vawiin khan notification tichhuakin, LMC a CEO turin Disaster Management & Rehabilitation department (DM&R) Director nilai, Benjamin Lalzama a ruat a, Secretary turin Addl. DC, Aizawl nilai R. Vanrengpuia a ruat bawk. An rualin, MCS officer 9 te transfer & posting a tichhuak tel bawk.

Media hrang hranga tarlan tawh thin angin, LMC hmasa ber din tura inthlanna chu kumin chawhnu lama buatsaih tum a ni a, LMC inthlanna atan hian inbuatsaihna a kal chho mek zel a. Bial (ward) 11 awm tura tih a ni a, a bial ramrite pawh rin fel vek a ni tawh a, electoral roll buaipui mek a ni.

Bial 11 a bial 4 (hmun thuam a then hmun khat) chu hmeichhiate chauh chuh theih tur a nih dawn avangin khawi bialte nge hmeichhe bial tur tih thumvawr a la ni ang. LMC dinna tur hian sawrkar kum kal mek 2022-23 budget ah Rs. Nuai 80 dah a ni.