April 10, 2024; Lungverh huam chhunga vawk thi leh insakna bugraw hlui paih thin ten paih tawh lo turin Lungverh YMA chuan an ngen.

Lungverh YMA in thuchhuah an siam danin, tun hnaiah Lungverh huam chhungah vawk thi (hri vanga thi ni ngeia rin) vawk chaw bag chhungah thunin paih an awm thin a, a pawi an tiin veng inzahlohnaah an ngai a, ti tawh lo turin an ngen a ni. Vawk thi hi March ni 21 khan 1, April ni 7 ah 2, April ni 9 ah 1, a vaiin vawk thi 4 tunhnaiah an area chhungah hian paih a ni tawh thin an tarlang.

Lungverh YMA chuan an kawngpui dung kawng sirah insakna bungrua hlui/tawp hnawk zan reiah paih thin an awm bawk tih tarlangin, heng mite hi ti tawhlo hram turin an ngen a. Paih lui leh an awm a, man an nih chuan an chungah action lak a nih tur thu an sawi.

Thlalak : File picture