ZALEN Feb 18, 2025; Lz-an km. 17,028.10 a tlanpuina thirsakawr chu museum tlawhtu ten an hlut thin hle.

Vanlallawmzuala Varte (Lza Varte)-in 'Ride to Clean Air' tih thupuia neia India ram state tin tlawh chhuahna atana a hman thirsakawr hi Mizoram State Museum-ah January ni 24, 2025 khan dah a ni.

Lza Varte hian thirsakawr hmangin January ni 25, 2024 khan Aizawl a chhuahsan a, state tin (28) leh union territory panga tlawhin, thirsakawrin km. 17,028.10 a tlan. A thang chhung hi ni 286 a ni a, thirsakawra a tlan ni bik chu ni 204 a ni.

Thudawn danin, Lza thirsakawr museum a dah hi museum tlawhtu ten an hlut thin hle a, en pawh a hlawh thin hle. Mizote mai bakah, a bik takin hnam dang ten an hlut zual emaw tih tur a ni.

Museum ti hlu zualtu, a tlawhtute tana en man awm, Lza thirsakawr hian hlut a la hlawh zel dawn niin a lang a. A thlawn liau liau a a 'DONATE' a nih bawk avangin Lza inpekna hi Mizote tan a hlu takzet a ni.