May 17, 2024;'Ride to clean air’ tih thupui hmanga thirsakawr hmanga India ram fang mektu, Vanlallawmzuala Varte (LZa) s/o VL Chhuanawma, Mission Veng chu khawvela lirtheiin a zawh theih hmun sang ber Umling La a inkhalh thleng.

Lza Varte hian vawiin khan feet 19024 a sang Umling La thirsakawrin a inkhalh thleng a, helai hmun hi Mizo zingah lirthei (motor) a thleng chu awm tawh mah se, thirsakawr a inkhalh thleng dang Mizo zingah an la awm lo

LZa hian January 25, 2024 khan Aizawl a chhuahsan a, zinkawng thui tak zawh tur a la nei.

Nikum May thla khan Lailapur, Assam atangin Mizoram chhim tawp, Khaikhy thleng ke ngatin a lo kal chhuak tawh bawk a, km 623 hi ni 18 leh darkar 13 chhungin a thleng hman a ni. Ke a a kalna ah khan faina chungchang tlangaupuiin, bottle 7,000 chuang a chhar a, chung bottle te chu khaw tin bawlhhlawh paih na hmunah a paih a ni.