California rawlthar chuan a kum 18 piancham chu khawvela Europe khawmualpui ram zawng zawng tlawh kim thei naupang ber niin a lawm.

Rio Matsuoka hian a European tour hi a kum 18 tlin ni atangin Iceland-ah a tan a, ni 101 chhungin ram 44 zet tlawhin Malta-ah a tawp a, Guinness World Records a siam a ni.

“World record siam ka tum hi ka kum 18 tlin nen a lo inrual chiah a ni,” tiin Matsuoka chuan GWR hnenah a sawi a. “Ka chhungte hnenah high school ka chhuah hnuah Europe ka fang dawn tih ka sawi thin a, research eng eng emaw ka ti a, naupang takin khawvel an fang chhuak tihte ka hre ta zel bawk a ni,” a ti.

“An tih ang hian Europe fanga record siam ve ka tum ta a, hun remchang tak ka nei ta hlauh bawk a ni,” a ti.

Matsuoka-a hian Europe khawthlang ram tam zawk chu rel hmangin a tlawh tih a sawi a, khawchhak lam erawh bus-in a tlawh kual mai niin a sawi a. Thlawhna chu Britain leh Russia tlawh tura a chhuah chauhvin a hmang.

Matsuoka-a hi Ukraine-ah hlawkna um lo pawl hnuaiah a thawk mek a world record dang siam zel pawh a la tum tih a sawi bawk.