New Jersey, United States-a library pakhat chuan an lehkhabu hawh thin pakhatin kum 75 zet liam tawha a hawh chu tun hnai khan him takin a kir leh tih an sawi.

Jersey City Free Public Library chuan tuna kum 89 mi ni tawh, Bob Jablonski-a hian Oden Rudolph-a lehkhabu, ‘Hitler’ hi James J. Ferris High School Branch atangin kum 1947 khan a hawh chhuak tih an sawi.

Jablonski-a chuan a lehkhabu hi tun hnaia an chhungkaw in an singsak leh an thawm thatna velah a hmu chhuak tih a sawi a, a hawhna hmun ngeiah kir leh duhna rilru a pu ta a ni tih a sawi.

Librarian-te chuan a lehkhabu hi a hmel a la tha hle a, him taka a awm thu leh an pek chhuaha reference card an dah pawh a la awm vek tih an sawi.

Thuneitute chuan kum 75 liam ta chhung hian Jablonski-a hian a hawh man leh a pek kir tlai man engmah pek a nei lo tih an sawi a; mahse, library zawk hian March, 2021 khan pawisa chawi tur hi an lo tithi vek tawh thung.

August thla tir maiah pawh khan Winnipeg Public Library chuan Daniel E. Jessee-a lehkhabu, ‘Baseball’ tih, June 18, 1974-a hawh chhuah chu an drop box-ah tunge a nih an hriat lohvin a lo dah ringawt an sawi tawh a. Hei pawh hi library-in kum 2021 khan late fee chawi turte a lo tihthih tawh bawk a ni.