mAksAk: Kum 89-ah master’s degree!
Florida, United States-a pitar kum 89 mi zel chuan tun Krismas chawlh chhung khan hun duhawm tak a hman belhchhahin master’s degree a dawng thar. Joan Donovan-i degree a nei thar tih lantir nana khum thin lukhum leh kawr fuala thuamin Florida-a a chenna in kawtah a mi malin graduation ceremony hmanpui a ni

Florida, United States-a pitar kum 89 mi zel chuan tun Krismas chawlh chhung khan hun duhawm tak a hman belhchhahin master’s degree a dawng thar.
Joan Donovan-i degree a nei thar tih lantir nana khum thin lukhum leh kawr fuala thuamin Florida-a a chenna in kawtah a mi malin graduation ceremony hmanpui a ni a. Master’s degree hi creative writing-a a neih niin Southern New Hampshire University-in an pek a ni.
Donovan-i hian kum 16 a nihin high school a zo va, an harsat avangin college a kai chhunzawm thei ta lo va. An venga high school-ah post-graduate course eng eng emaw a zir laiin pasal neiin chhungkua a din zui ta a ni.
A fate an indan hnuah Donovan-i hian sikul kai lehin associate’s degree a nei zui ta a. Kum 84 mi a nihin university atangin bachelor’s degree a nei zui ta a ni.
“Heti hian ka ti thin, ‘engvangin nge ka kal zel loh vang?’ tiin,” tiin SNHU-in thu an chhuahah an tar lang.
Master’s degree lak nan hian creative writing a duh a, a college kaina chuan an tih theih loh avangin SNHU-in online program an neihah inziak lutin a hlawhtling zui ta a ni.
Latest News
-
Police-in lie detector report zirchianna ngaichang mek
2m | Jan 29, 2023 -
February 8-ah Dy. Speaker thlang dawn
1m | Jan 29, 2023 -
CM leh G20 Chief Coordinator Harsh Vardhan ten G20 thlen dan tur sawi
2m | Jan 29, 2023 -
Airtel leh Reliance Jio ten 5G pek thuai an tum
2m | Jan 29, 2023 -
Thalaite hi kan ram leh hnam hmalam hun neitute in ni -Rindika
1m | Jan 29, 2023 -
India-in Ladakh-ah China nena nasa zawka inep ring
3m | Jan 29, 2023