Turkey rama pa kum 50 mi, Bayhan Mutlu-a chu a zu rui a bo va, a hnuah amah zawnga feh chhuakte puiin nasa takin amah a inzawng ve!

Mutlu-a hi Bursa province, Inegol khawpui daia Cayyaka atanga b0 a ni a. A bo ni hian a thiante nen zu an in a, a pawn chhuak chu a bul ram hnuaiah a bo zui ta a ni.

A chhungte leh a thiante chuan an zawng a, thuneitute pawh hrilhin an zawng zau lehzual a. An hmuh mai loh avangin tlawmngaia zawnga thawk chhuak pawh pungin an zawng ta luih luih a ni.

Rescue team-in ram hnuaia an koh vak vak chuan an beisei loh lutuk atangin chhanna an dawng ta a. Anmahni zing atang ngei chuan, "Tu nge min zawng? Heta hi ka awm," a rawn ti ta mai niin tual chhung chanchinbu, NTV chuan a tar lang.

Tual chhung chanchinbu dangte pawhin an inzawng hmu lai video hi social media-ah an tar lang ve bawk.

Mangang taka mi bo, a thi nge a dam tih pawh hriat lohva an zawn chu an zingah, tunge an zawn pawh hre lovin a lo inzawng ve reng a. Mangang taka bul tan ni mah se a tawpah an hlimpui ta phian zawk a ni.