Kum 2013-a thlahrang film hit tak mai, ‘The Conjuring’ an siam, kha movie siamna tura thil thlenna hmun, Rhode Island farmhouse tia an sawi mek chu man to taka hralh a ni a, vantlang tlawh theiha hawn chhunzawm zel a ni dawn.

Kum zabi 18-na laia sak tawh, Burrillville-a mi hi $ maktaduai 1.2-a zawrh a nih laiin $ maktaduai 1.525-in Boston-a WonderGroup LLC neitu, Jacquiline Nunez chuan a lei a. "Ka tana lei pawh ka ni," a ti.

Nunez-i leh he in hralhtu, Cory leh Jennifer Heinzen nupa chuan an inleisak thu hi Facebook-ah an tar lang.

Heinzen nupain an lo kalpui sa, in tlawh theiha an siam chu Nunez-i pawh hian a kalpui zui dawn a, zana thil thleng hre duh tak riah theih a ni ang a, chhun lama tlawh duh tan pawh a tlawh chhunzawm theih dawn a ni.

Heinzen nupa hian kum 2019 khan he in hi an lei a ni.

The Conjuring movie kha he inah hi chuan chan a ni chiah lo va; mahse, kum 1970 chhova he In-a cheng thinte thil tawn behchhana siam a ni thung.