ZALEN February 19, 2025 : Vawiin khan H&FW department hnuaia National Vector Borne Disease Control Programme (NVBDCP) in DHME Auditorium, MINECO-a State review meeting an neih a tarlan a nih danin, nikum chhungin Mizoram pumah malaria vei zat hi mi 16,899 awmin, chu'ng zinga mi 8950 te chu malaria PF niin, malaria natna avangin mi pasarih in nunna an chan.

Nikum chhung khan, kum dang zawng aiin malaria PV a pung nia tar lan a ni bawk a. Kum 2024 chhung khan Dengue vei hmuhchhuah zat hi mi 744 niin, Chikungunya (thosi seh atanga kai tho natna. A thlentu pawh hi dengue thlentu tho Aedes thosi) hmuhchhuah zat hi mi pathum an awm bawk.

Mizoramah hian district pali — Lawngtlai, Lunglei, Mamit leh Siaha district te hi malaria tam zual bikna te an ni a, a bikin International Border – Bangladesh leh Myanmar ramri hrulah te malaria hi a tam zual nia tar lan a ni bawk.