DOWNLOAD OUR APP

Read latest news on your phone
app-store
Malaysia PM hlui leh a nupui kum 10 chuang jail tang ve ve dawn!
Sep 01, 2022

Malaysia prime minister hlui Najib Razak-a nupui Rosmah Mansor chu vawiin khan eiruk thubuaiah thiam loh chantir a ni ve leh ta a, kum 10 chhung lungin tang tura hrem a ni. Rosmah Mansor hian thubuai pathumah thiam loh a chang a, a pasal Najib Razak pawh hi Thawhlehni khan kum 12 chhung lungin tang tura hrem a lo ni tawh bawk! 

Malaysia prime minister Najib Razak leh a nupui Rosmah Mansor te chunga thil thleng hi a zahthak hle mai a, eiruk thubuaiah ve veah thiam loh chantir an ni - an thuneihna an hmangsual nasa hle tih a lang. Rosmah Mansor hi an ram pawisa 1.25 billion ringgit ($279 million) zet hu project-ah sum tichengpenah puh a ni a, High Court chuan vawiin khan thiam loh a chantir a ni. 

Kum 70 mi Rosmah Mansor hi tlereuh ngaina tak a ni a, kum 2018-a police ten an chenna in an dap pawh khan rangkachak thi leh zungbun $mtd 1.6 man hu zet an man a ni. Gold bakah hian, diamond leh bag manto uchuak tak tak a lo kawl nual bawk. Court thutlukna puan a nih hnu hian Rosmah Mansor chuan, "Vawiina ka chhunga thil theng hian min tilungngai tak zet a ni," tiin mittui tla chungin judge hmaah a sawi nghe nghe. 

Rosmah Mansor hian kum 10 lungin tan a hmabak a, an ram pawisa 970 million ringgit a chawi dawn bawk - jail a tan tan hun tur hi tarlan a la ni lo. Rosmah hian tunah hian thubuai 17 a awrh mek bawk a, a hmabak a thim ve khawp mai!

A pasal Najib Razak pawh tunkar Thawhlehni khan eiruk thubuaiah thiam loh chantir a ni a, kum 12 chhung chu lunginah hun a hman a ngai dawn - an ram pawisa 210 million ringgit hawi tura tih a ni bawk. An nupa hian hmun khatah an tang dun hlauh a nih loh chuan kum 10 chhung chu an awm hran a ngai dawn a ni. 

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh