ZALEN November 4, 2024: Banelh chak Denic Lalruattluanga, ITI Veng chu vawiin khan Malsawm House te chuan Asia Champion a nih lawmpuinan Fridge an hlan.

Denic-ah hi October 26-a Mumbai-a neih 8th Asia Arm Wrestling Cup leh 7th Asia Para Arm Wrestling Cup neih zawh takah 80kg Senior-ah gold a la a, Malsawm House chuan an chhungkaw harsatna te hria-in an mamawh tak nia an hriat Fridge hi an hlan ta a ni.

8th Asia Arm Wrestling Cup leh 7th Asia Para Arm Wrestling Cup hi People’s Armwrestling Federation of India (PAFI), World Armwrestling Federation (WAF) leh Asian Armwrestling Federation (AAF) tangho buatsaih niin Asia ram 15 atanga ban elh chak 800 chuang bakah Indian arm-wrestler 350 chuang an tel a ni.