Aizawl: Lirthei bungrua phur tangkhangte harsatna leh nitin mamawh chawkluhna kawng pawimawhte enfiah a, harsatna chinfel an nih theih nan nimin khan Minister pathum Lalchhandama Ralte, Lalruatkima leh TJ Lalnuntluanga te chuan Kolasib District an tlawh a, harsatna awm theite enfiahin a theih ang angin hma an la nghal.

Tunhnaia Mizoram bungraw phur lirthei khalhtute atanga Covid 19 vei mi engemaw zat hmuhchhuah an nih avangin driver leh handyman te chu Rapid Antigent Test hmangin Vairengte Checkgate-ah screening test nei vek tura tih nghal an ni a. Hemi atan hian Laboratory Technician pawh lak belh nghal tura tih a ni a. Hei bakah hian Doctor leh Health Care thawktu pawh dah belh nghal tura tih a ni bawk a ni.

MNF Party chuan tun hnaiah kawng siam mek vanga motor tangkhang a lo tam tak hnuah sawrkar-in he natna inkaidarhna awm thei veng tura hma a la chu lawmawm an tih thu an sawi.