ZALEN August 21, 2025 : Vawiin khan Operation Kingdom Ministry (OKM) Home, Phunchawng tlawhtu LEDSE Minister Lalnghinglova Hmar Zu leh ruihlo vanga buai an mamawh hria a, OKM Home thlang ngam chu huaisen thlak a tih thu a sawi.

OKM tlawhtu LEDSE Minister chuan, "Home a zirlaite hi LEDSE hnuaiah Mizoram Construction and Welfare Board member ni vek turin ka chah duh che u, hamthatna hrang hrang a awm a, chutiang tur chuan hma kan la tlang zel dawn ni. Vawiina Zirlaite hi in huaisen ka ti kan ti daih teh ang, Ruihhlo leh Zu in min ti buai a, dam ka duh a ni, chuta tanga talchhuah chu ka mamawh a ni tih hria a he hmun in thlang ngam hi a huaisen hle a ni, Eiru ho zawng camping I nei ang u ti ila, Camper kan tlem duh ngawt ang," a ti. 

Lalnghinglova hmar chuan, "Engpawhnise tun mai ah hian han intiam theih ka nei tlem hle a, theihtawp kan chhuah tlang zel ang - Sports dept atangin emaw LEDSE atangin emaw pawh ni se," a ti bawk. 

Minister OKM tlawhtu hian infiamna bungrua leh pawisa fai Rs 30000/- bakah Cement mixer khawl a pe bawk. 

Minister hi OKM Ministry Adviser te leh Home dintu Lalruatpuii ten an lo dawngsawng. Minister pual inkhawm tawi hi Adviser Rev Lalpiangthara'n a kaihruai a, Home dintu Ruatpuii'n an inkaihhruai dan tlangpui sawiin, tun dinhmunah thawktu 52 leh Zirlai 400 bawr an awm mek thu sawiin Bible zirtirna angin Pathian thu-a inkaihhruai kalpui thin a ni a ti. 

Course neiin an kalpui thin a, an leng lo chung pawh hian nitin deuh thaw lut duh hi an awm thin thu leh an hnar zawk thin thu a sawi bawk. OKM Home Founder Lalruatpuii’n home inrelbawl dan tlangpui report a pe a. Tun dinhmunah mi 430 an awm a, Tuikhuahtlang Presbyterian hmeichhiain kumin March atangin thlakhatah Rs. 5000 an pek leh, Vaivakawn chawhmeh zuarte’n Inrinni ah chawhmeh an pek thin bak chu rinna in an kal tih a sawi a ni.