ZALEN July 8, 2025 : Vawiin khan END Mamit duty te chuan Mamit khawpui chhung Bazar Veng-ah dan lova Grape Wine zuar MART dawr chu an dap a, he dawr atang hian Grape Juice chi hrang hrang an man.

Mamit atanga dawr lian bera ngaih theihah hian, 1) BCHA Grape Juice – 14 bottles (650ml each) ; 2) Grape Juice - 9 bottles (750ml ) ; 3) Zunzam Banana Juice - 5 bottles (750ml ) ; 4) Isabella Grape Juice - 2 bottles (750ml ) ; 5) Champ Wine - 6 bottles (375ml) te hi man an ni a. He dawr neitu Lalduatpuii (45), D/o Lalbika (L) of Bazar Veng, Mamit a khawsa mêk chu MLP Amendment Act 2025 Section 6(1)&7(2) tlawh chhanin thubuai siamsak a ni.

Mamit END chuan thlai atanga siam chhuah Wine/Juice (Alcohol content) chi hrang hrang te hi Sawrkar in phalna a pek te tan lo chuan zawrh leh hralh phal a ni lo a, hetianga phalna nei lova Wine/Juice (Alcohol content) siam, kawl leh hralh hi dan bawhchhiatna a ni, an ti.