Dr. R Lalthangliana chuan Mamit District chhunga cheng te'n hriselna kawnga hma an sawn theihna tura hmanraw tangkai tak taka thuam an ni chu lawmawm a tih thu a sawi a. Lungrual taka thawhhona avanga Covid do a ni chu lawmawm a tih thu sawiin, "Covid - 19 avanga nunna chan kan nei erawh pawi hle rualin hri dona kawnga kan hmalakna-a hlawhtlinna kan hmuh mekte leh India hmarchhak State 8 zingah Covid - 19 vanga thi tlemna ber State kan ni hi Pathian avang leh kan thawhhona avang a ni," a ti.

Nimina sem tak Bolero Camper (4WD BS6) 11 lei nan hian Rs. 1,04,50,000/- hman niin Motor-te hi Health Care delivery a bik takin vaccination drive, Health camp conduct leh awareness pekna tur bakah, kawng that lohna hmun, motor naran in a thlen theih lohna khuate awlsam taka thlen theihnan 4 wheeled drive lei a ni a. Rs. 15,60,000/- senga lei damdawi chi hrang hrang 76 - Folic Acid, Oral rehydration salt, Ibuprofen, Ascorbic Acid (vitamin C), Albendazole, Paracetamol leh Diagnostic Kits 50 - Sahli's Haemoglobinometer, Pregnancy Test Kit, Malaria Test Kit, Typhoid Test Kit, BP Instrument Mercurial, Adult Weighing Machine, Hepatitis B-Test Kit leh a dangte Sub Centre/Health & Wellness Centre- te hman tur khuallian hian a hlan bawk.

Niminah hian Rs. 24,60,000/- senga lei Laptop leh Speaker 52, Mamit District chhung khua tlawh pawh harsa leh health care facility nei thalo khuate tan awlsam zawka health care provider te an biak pawh zung zung theihna turin Telemedicine atan Health Department hnenah hlan a ni bawk.

He Project hian a tum ber chu Health & welness Centre hi mi tam zawkin health care services an dawn theihna tur leh a tlawhtute mamawh damdawi leh diagnostic kit te a thlawna pek chhuah a ni a, health and welness centre hi mi tam zawkin hmang tangkaia, an tlawh tam (footfall) nana kalpui a ni.