Aizawl: Nimin khan Dr. Lalrozama, IAS, Mamit District Bawrhsap leh Anbamuthan MP, IAS, Karimganj DC te chu Ischabeel Tea Estate, Karimganj-ah Assam leh Mizoram ramri-a buaina chungchang sawia thuin boruak tha a awm theih nan hmalak tha an ti.

State pahnihte hian anmahni huam chhung ve ve buaina a awm lohna turin hma la se tih an rel thlu a. Chuto-bhubirbond leh Metlicherra atanga IR la chhuak turin Karimganj DC hian ngenna a thlen a. Mamit DC hian helai a him zawk nana dah a nih thu a sawi a, hemi chungchangah hian inremna siam a ni lo.

Mamit leh Karimganj thuneitute hian Motor veivak te pangngai taka an kal leh theihna turin leh a bik takin ni tin mamawh phurtute chu khawi lam ve ve atang pawha dodalna awm loa an kaltlang theihnan enpuia hmalak nise tih an rel thlu bawk a ni. Nimin meeting-ah hian district level mi pawimawhte an tel a ni.