Manchester United chuan Barcelona midfielder Frenkie de Jong chu lak tumin an hel mek a. Netherlands midfielder hian United manager thar Erik ten Hag a hnuaiah Ajax-a a awm laiin alo khel tawh thin a, chuvangin Old Trafford lama Ten Hag a hnuaia khel tur pawh hian a fit tura ngaih a ni.

Official takin De Jong an ngamna zat hi United lam hian an la sawi rih lova, an duh viau rualin kum 25 lei chhuah nan hian sum tam tak erawh an thehchhuak phal  kherin a rinawm loh. 

De Jong hian Ajax lama a khelh laiin kum 2019 khan Champions League semi-final a thlen pui a, tunah hian Barca lamah awmin kum nga daih contract a nei mek. 

Kum 2019, January thla khan Barca hian £65million zetin De Jong hi an lei chhuak a, Spanish club lian tan hian tum 140 inlan tawhin goal13 a thun tawh a, 2021 Copa del Rey an chawi theih naa player pawimawh tak a ni bawk. Season liam ta chhung khan game 46 khelin goal 4 a thun a, assist tum nga a nei bawk.