Aizawl July 20, 2023 : Minaran pawl AAP Mizoram President Andrew Lalremkima chuan Manipur a buaina thlen chhan chu BJP vang niin a sawi.

BJP hian hnam hnufual te lakah thapui an thawh mek a, nakin lawkah Mizoram mipui te tan hian an la hnawk thei dawn a, hnawl ngam a ngai, a ti.

Kristianna in a tawrh mek lai leh Manipur lamah pawh mipui ten harsatna an tawh mek laia Prime Minister leh an party an ngawi tlat chu ram mi te leh state te ngaihsak lohna leh ram mipuite ngaihsak lohna a ni, a ti bawk.

BJP Mizoram Vice President pawhin pawl a chhuahsan tawh laia MNF te BJP kaihhruai NDA inhmuhkhawmnaah an la tel chu hriatthiam har an tih thu a sawi. AAP Mizoram chuan BJP thawhpui te zawng zawng chu an inzawmna titawp turin an ngen bawk.