Manipur buaina hi BJP rawng dik tak lanna a ni - MPCC
![](/storage/news/post/7rNi08EFVhmpALhRk7RQRiMWevCCCmjrovF1qKAt.jpg)
Aizawl May 4, 2023 : BJP sawrkarna Manipur-a buaina thleng mek chu Congress Party chuan pawi an tih thu an sawi. Nunna hlu tak chan an awm leh hliam tuar tam tak an awm te, mimal in leh sakhaw biakna hmun pawimawh thlenga hal a, tihchhiat a ni chu tha lo an ti a. India ram innghahna pakhat, Secularism rah beh tumna nia an hriat thu an sawi.
Congress chuan, "India ramah BJP-ten sawrkarna an chan a piangin sakhaw kaihhnawih buaina te, chi leh chi inkara buainate a hluar bik thin a. Tuna Manipur a buaina thleng mek pawh hi India ram puma BJP rawng dik tak tarlannaah kan ngai a ni. Manipur-ah ngei pawh hian BJP-in sawrkarna an chan atangin sakhaw hmun pawimawhte nekchep a ni a, hnam tlem zawk tlang mite nekchep tumna thlengin a awm chho ta zel a. Chu chuan he buaina hi a hringchhuak ta a ni," an ti.
MPCC thuchhuak chuan, "Khawvel khawi hmun pawh nise, Zofate tawrhna hian Mizoram mipui thinlung a ti na thin a. Manipur buaina pawh hi Manipur a hnam tlem zawk, tlang mi, Zofate nekchep tumna nia a lan avangin a pawi kan ti a, buaina ti reh tur leh hnam tlem zawkte leh an sakhua humhimna kawnga chak lehzuala hma la turin Manipur BJP sawrkar kan ngen a ni," an ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024