August 12, 2023; Vawiin (12.08.2023) chhun dar 12-khan Central Halam Youth Association, Tripura hruaituten Manipur Zohnahthlakte tanpuinan Central YMA hnenah Rs.1,25,000 an hlan.

Central YMA aiawhin President R. Lalngheta, Prof. Lalnuntluanga Gen. Secretary, Asst. Secretary Prof. Malsawmliana,  RL Zomawia CEC leh Chawngthankima CEC ten an lo dawngsawng.

Central YMA in lawmthu a sawi tak meuh a ni. Halam hruaitute chuan an thilpek chu Zohnahthlak unau te inunauna chhawm nun leh kan inhmangaihna lantirna a nih thu an sawi.

R. Lalngheta, President, Central YMA chuan “ tuna Zohnahthlak ten hmun hrang hranga harsatna kan tawk hi a pawi tak zet a, chutihrualin he harsatna hian Zo hnahthlak unaute inkarah unauna leh inhmangaihna nasa takin a thlen a, kan unauna hi i chhawm nung zel ang u” tiin a sawi bawk.