July 22, 2023, Mizo Zirlai Pawl (MZP) chuan Manpur Zofate an phatsan dawn lo tih sawiin, Meitei te leh kan unaute chu thlamuang taka awm ho chi ah an ngai tawh lo.

Vawiin a thuthar thehdarhtute an kawmna ah an president Lalnunmawia Pautu chuan, Manipur a kan unaute leh Meiteite inkar a buaina chhuak chu a tir atanga vawiin thlengin an ngaihven tih a sawi.

"Kan unau Vaiphei hmeichhe pahnih, Meitei ten khawvel hmaa an hmeichhe zahawmna nasa taka an tibawrhbang hi thinurthlak kan ti hle," MZP president chuan tiin, thil awmdan enin, Manipura Zofate tana harsatna rapthlak tak thlentirtu Meitei te leh kan unaute hi thlamuang taka awm ho chi an ni tawh lo niin a sawi.

Hengte avang hian kan unau ten an duh ber, separate administration nei tura an beihna chu a tawp thleng a an thlawp zel tur thu a sawi bawk.

MZP president hian Manipur buaina chungchang a zohnahthlakte himna tur a ke an penna hrang hrangte a tarlang bawk.