September 21, 2023; Nimin 20.09.2023 (Nilaini) khan Central YMA Hall-ah Manipura Zo hnahthlak unau pawl hrang hrangte inthlunkhawmna Zo United hruaitu inruat fel a ni.

He hun hi Manipur sawrkara Zo hnahthlak zinga Cabinet Minister Letpao Haokip in a kaihruai a, Manipura Zo hnahthlak pawl hrang hrang hruaitu mi 48 an tel a, Manipura Zo hnahthlak Minister 2 leh MLA 5 an tel bawk.

Pawl hrang hrang aiawh kalkhawm te hian ni 6.9.2023-a NGO Coordination kaihhruainaa Zo United lo din tawh chu tha taka a kal theihnan inlungrual taka thawhho an duh thu an sawi a, pawl hruaitu tur pawh hetiang hian lungrual takin an inruat:

Convener : Albert L. Renthlei, MPC Co- Convener : 1. John K. Ngaihte, Zomi Council 2. Ajang Khongsai, Kuki Inpui, Manipur Secretary ( Recording) : Lalhrillien, Hmar Inpui Secretary ( Finance) : Thanglen Kipgen Secretary (Info & Pub.): Pagin Haokip Anni bakah hian pawl hrang hrang aiawh Committee member an ruat bawk.

Zo United pawl hi Manipura Zo hnahthlak unaute inpumkhatna tur leh inlungrual taka an thawhhona tura pawl din a ni.