Manipura Zofate sahimna ngaihtuah turin ZORO-in India sawrkar ngen
![](/storage/news/post/e2cRlc52LUjvDy5IxP4zpEUmbpzoNbiPm0dKQsPd.jpg)
Aizawl May 4, 2023 : ZORO chuan Manipur-a Zofate leh hnam lian zawk kara buaina lo chhuak chu pawi an ti a, he thil lo thlen dan ngaihtuah chianin pawi a ti lehzual, tih thuchhuah an siamah an tarlang. Dinhmun him lo a awm mek Zofate sahimna ngaihtuah a rang thei ang ber a tih tur ti nghal turin ZORO chuan India sawrkar an ngen.
ZORO chuan Manipur state chhunga awm Zofate hi eng emaw lai atang khan tawngkam mawi vak lo leh dengkhawng taka beih leh vau an lo ni thin a, hemi chungchangah hian state politician pawimawh te pawh an langsar an ti. Zofate zinga Kuki-te phei chu poppy chingtu, ruihhlo tawlhtu, dan lova Burma atanga pem lut titein social media-ah an sawi thin a ni. Ram hruaitute ber an pawr a, Zofate zingah tawngkam dengkhawng deuh lo hmang an awmin man an ni nghal zel a, Meitei lamin chutianga an tih erawh chuan sawrkar lam atangin hmalakna a awm ngai lo, an ti.
ZORO chuan, "Manipur Zofaten Politics-a dinhmun mumal zawk an beiseiin ngaihsak an ni lo a, dan leh hrai kaihlek leh palzutin Zofate ram an chhuhsak a, an Biak in te tihchhiatsak niin an khua atangtein hnawhchhuah an ni bawk. Hetiang hi an dinhmun anih avangin an hma khua tur ngaihtuahin an tangho a, peaceful solidarity rally pawh an nei a ni. Mahse, khin taktea khin an lo ni ta a, state pum buaiin an buai ta a ni. He thil hian Zofate leh Meitei tana chenho reng a harzia leh inrelbawlna hran a tulzia a lang chiang hle. Manipur-a hnam tlem zawk te an tana him tur inrelbawlna ngaihtuah vat turin ZORO chuan India sawrkar a phut a ni," an ti bawk.
Hetiang dinhmunah hian ZORO leh Zofa zawng zawng chuan Manipur-a kan unaute hi kan thlawp tlat a, kan hawisan dawn lo a ni. ZORO chu Manipur Zofate tan kan ding tlat dawn a, a tulna apiangah ke kan pen zel dawn a ni, an ti.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024