ZALEN February 19, 2025 : Supreme Court of India chuan National Food Security Act (NFSA) hnuaia ration la mihring/chhungkaw member zawngte zawngte (Card Eng leh Card Pawl) chu tichiang turin thupek a chhuah a. He beneficiary tih chian hna hi Retailer kal tlanga tih tur a ni. Mizorama Card Eng leh Card Pawl a hming chuangte chuan mahni ration lakna retailer theuhah e-KYC hi March, 2025 ral hma ngeiin tih tur a ni.

FCS&CA chuan Mahni ration lakna retailer theuh-ah e-KYC hi kut zungthla nem (biometric authentication) hmanga tih tur a ni a ti a, NFSA beneficiary chhungkaw member zawng zawngin ration an lak chhunzawm theuh theihna turin an tih ngei ngei a ngai a ni.

Supply Department chuan chhan hrang hrang vanga chhungkaw member thenkhat hmun danga awm te pawh State dangin an tih angin, in koh haw te pawh a ngai ang. Damlo retailer dawr pan thei lote chu mahni retailer-ah in hriattir tur a ni ang a, retailer ten an inah an kal chilh dawn a ni, an ti.

e-KYC ti chin tan chauh NFSA hnuaia buhfai hi dawn tur a nih tawh dawn avangin NFSA beneficiary (Card Eng leh Card Pawl hmang) te chuan he hriattirna hi ngaipawimawh a, e-KYC hi huntiam chhunga ti ngei ngei turin an hriattir a ni.