ZALEN Sept. 3, 2025 : All Mizoram CSS Employees Coordination Committee (AMCECC)-in an thil phutte sawrkarin a tih hlawhtlin loh chuan tun thla, September ni 9, ni 10 leh ni 11 chhung Mass Casual Leave an la dawn.

AMCECC hian vawiin khan Falkland-a Youth Recreation Centre-ah General Body Meeting neiin, state sawrkar hnuaia an dinhmun siamthatna tura an hmalaknaah state sawrkar atanga thu lawmawm an neih theih loh avangin an kal zel dan tur an rel a, CSS Employees 1,000 chuang an kalkhawm.

Regulariation of CSS Employees Scheme, 2024 a taka an hman ngei theih nan an representation theh luh chu rang taka ngaihtuah sak a, tihhlawhtlin sak turin sawrkar an phut a, Mizoram sawrkar hnuaia thawk, CSS Employees te Regularisation of CSS Employees Scheme, 2024 hnuaia department hrang hrang proposal an hnawl zel lai a. CSS pawh ni lo, Health Department hnuaia thawk Health Worker mi 31, MR Skilled II, PE a thlak-te, he dan hmanga dah nghet chu mak an tiin, induhsakna uchuak chu an ngaithiam lo a, tun hnuah thleng tawhlo se an ti.

He appointment hi sawrkarin cancel ngei turin an phut a, CSS hnuaia thawkte ‘Dan lo ang a lak’ ti a Chief Ministerin, kumin Independence Day lawmna a a sawi chu na an ti a, CSS hnuaia thawkte chu dan ang thlapa lak an ni a, dan lo anga lak an awm chuan, dan lo ang a latute chu zawng chhuak a, action na taka lak ni rawh se an ti a, heng an thil phutte hi tih hlawhtlin a nih loh chuan tun thla, September ni 9 atanga ni 11 thleng Mass Casual Leave lak ni se an ti a. Hemi chhunga an duh anga sawkarin hma a lak sak loh chuan an kal zel dan tur an la ngaihtuah leh dawn a ni.

#ZalenNews