ZALEN Oct. 15, 2024; A youtube channel hack sak a nih hnu-ah, Mastea'n a youtube channel a lalet leh tawh. Amah duhsak a, buaipuitute chungah lawmthu a sawi.

ZALEN in a biakna ah Mastea (Mastea Rka fapa youtube channel) chuan, a youtube channel chu Belarus leh Ukraine lam atang daihin hack a ni tih a sawi a, hei vang hian thubuai ziahluh ngaihna pawh a awm lo niin a sawi.

An channel a buai tirhah theihtawp an chhuah nghal tih a sawi a, anmahni lam chu an beidawng hman niin a sawi. "Helam a mithiamte kan rawn a, engkim min buaipui saktu Da Revd te chungah lawmthu kan sawi a, min ngaihtuah a, chanchin min rawn zawt thin tute chungah pawh lawmthu kan sawi," a ti bawk.

Mastea Youtube channel hi October ni 12, 2024 zan khan hack a ni a, theihtawpa an buaipui hnuah tukin (15.10.24) khan an lalet leh thei a, video an dah sa zawng zawngte pawh engmah buaina awm loin an lalet leh a ni.

Mastea youtube channel hi mi nuai 6 chuangin an subscribe tawh a, Mizo youtube channel-ah chuan mite ngaihven hlawh berte zing a mi niin, fiamthu hmanga mi tam takte hlimna thlentu channel ngaihhlut hlawh tak a ni.