ZALEN August 24, 2024 : Vawiin ni 24.8.2024 (inrinni) zing khan Dr Vanlalthlana, Education Minister chuan a bial chhung Ramthar North-a YMA committee room ah mipui ten an mamawh an thlen theih nan hun a hmang.

Dr Mathlana hian a tum lina atan tukin zing khan a bial chhung mipui te tan hun a hmang a, mamawhtu mi thahnem tak ten an harsatna leh mamawh an thlen a, Pu Mathlana chuan heng an mamawh leh harsatna te hi a theih ang ang a tihhlawhtlin a tum thu a sawi.

Dr Mathlana'n hetianga mipui te leh khawtlang tana a bial chhung veng hrang hrang a hun a hmang thin hi bial chhung mipui te an lawmin tha an ti hle a, Minister chuan chhunzawm zel a tum thu a sawi bawk.

Tukin a Bialtu MLA in hun a hman hi ZPM Aizawl North II block hruaitute leh Ramthar North unit hruaituten an tawiawm a ni.