Aizawl February 3, 2024 : Assam Rifles Battalion te chuan January 22 atang khan "Pre-Recruitment Rally" chu Battalion Headquarters, Aizawl-ah neih a ni a, February 17, 2024 thleng neih tur niin Zirtawpni khan Education Minister Dr. Vanlalthlana chuan a tlawh.

Dr. Vanlalthlana chuan Pre-Recruitment Training a tlawh tum hian zirlaite nen inkawmna hun an hmang a, armed force lam luhchilh tum naupang te pawh a ti phur hle. Minister hian thu a sawinaah inpekna, invawn leh tuma chian a tul thu a hrilh a ni. Naupang te hnenah hian quality education nei turin training tha paltlang chu thil pawimawh tak a ni a, chu chu competivite exam atan pawh thil tangkai tak a ni, a ti. Naupang te nena an inkawm naah hian sawrkar pawhin zirlai ti tak tak tan kawng an hawng tih a hrilh bawk.

Zirlai te pawh hian Assam Rifles ten hetiang hun an buatsaih sak chu lawmawm an tih thu an sawi a, an tan theihtawp chhuah tu te an ngaihhlut thu an sawi bawk.