ZALEN March 19, 2025; Horticulture minister-in mau chin hlawhtlin vanga IAS hna bansan an awm department-in a la hriat loh thu a sawi.

Assembly budget session (19.3.25) a member te zawhna leh zawh belhna te chhanga he thu hi sawiin, horticulture minister Prof. Lalnilawma chuan, sawrkar hmasa hunah mau chi tiak sawrkarin a lei zawng zawng chu 9,71,225 a nih thu leh chumi atan chuan Rs. Vbc. 6.83 sen a nih thu a sawi.

Mau chin hlawhtlin vanga IAS bansan an awm em tih member te zawh belhna chhangin, horticulture minister chuan, "Department lamin kan ngaihtuah lutuk lo a, lo bang ta an awm a nih pawhin kan hre lo, department thlirna atang chuan bansan an la awm lo niin kan hria," a ti.

Mizoram mau sawngbawl dan tur leh tangkai zawka hman dan tur sawrkarin ruahmanna a neih thu a sawi bawk.