DOWNLOAD OUR APP

Read latest news on your phone
app-store
Max verstappen
May 29, 2022

Max Emilian Verstappen hi September 1997-ah a piang a, mah hi Belgian-Dutch racing driver a ni a, 2021 khan Formula One World Champion a ni. Formula One-ah hian Dutch hnam puanzar hnuaiah Red Bull Racing tan a inlan thin a ni. A pa hi Jos Verstappen niin, Formula One driver thin tho a ni.

2015 Australian Grand Prix-ah khan kum 17 len ni 166 mi niin a inlan a, Formula One-a driver intihsiakna hmachhawn thei naupang ber a ni. 2015 season khan Scuderia Toro Rosso tan a inlan a, Verstappen hian 2016 khan Italian tan hian a inlan chhunzawm leh a, intlanziak tum li a hmachhawn hnuah an sangawizawnpui Red Bull Racing lamah a insuan a, Daniil Kvyat thlaktu atan hman a ni.

Kum 18 mi niin 2016 Spanish Grand Prix-ah Red Bull Racing tana a inlan hmasakberah chakna a chang nghal a, Formula One Grand Prix-a chak thei naupang ber niin Dutch driver zinga he dinhmuna ding thei hmasaber a ni bawk. 2021 Abu Dhabi Grand Prix a hnehna a chang chiah khan Verstappen hi Dutch driver zinga Formula One Championship la thei hmasaber a ni a, Formula One World Drivers Champion thei 34 na chiah a ni bawk.

2022 Spanish Grand Prix thleng khan Verstappen hian hnehna tum 24 a chang tawh a, pole position hi tum 14 a chuang tawh. 2021 Austrian Grand Prix-a hnehna a chan khan Grand Slam hmasaber a puitlin a ni. (Formula One-ah hian Grand Slam la tur chuan, Grand Prix-a pole atanga bul tan a, intlansiak chhung zawnga hmahruaitu nih leh intlansiaka lap tlanchhuak rang ber nih a ngai.)

Verstappen hian Red Bull-ah hian 2028 season tawp thleng cham turin contract thar a nei a ni.

Max Verstappen-a pa hi Dutch Formula One driver a nih piah lamah a Belgian nu pawh hi Karting lam lo luhchilh ve tawh a ni. Belgium-a piang a ni chungin Verstappen hi a rilru put hmang hi a Dutch hle thung a, Belgium a seilian ni mah se, Dutch nena an inrina Maaseik khuaah a awm an ni a, a thian tam ber te hi Dutch an ni. 2015 khan a chungchang a sawinaah Verstappen hian, "Belgium-ah hian mu turin ka khawsa a ni ber, chhun lamah chuan Netherland lamah ka khawsa a, he hmunah hian thian pawh ka ngah. Dutch anga chawilen ka nih angin, ka nihna ka pawm dan pawh a ni," a ti.

Verstappen hian kum hnih mi anih atangin quad bikes a khalh tan a, kum li leh a chanve a nihin go-kart a nei tawh a, kum 7 mi a nihin race-ah a champion thei a, kum 9 mi a nih chuan Belgium leh Netherlands-ah go-kart champion a ni der tawh. A fapa hmalam hun ngaihtuah vangin Jos Verstappen chuan Arrow F1 driver a nihna chu a bansan phah hial a ni.

Verstappen hian 2010 khan internationla karting a luh chilh tan a, champion theihnaah chuan a champion zel a ni ber a, 2013 atangin Florida Winter Series leh Formula Three a luhchilh tan a, 2014-ah Florida Winter Series a intlansiakna tak tak hmachhawn turin a tling. Kum 16 mi a nihin  FIA European Formula 3 Championship-ah Van Amersfoort Racing tan a inlan a, chetha chho zelin 2014 a inher chhoh meuh chuan Scuderia Toro Rosso chuan an lalut a, 2015-ah Formula One Grand Prix puitling tlan turin Toro Rosso tan a inlan tan a ni.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh