ZALEN October 29, 2024 : Mizoram Commerical Vehicles Union chuan Kawngchhia leh Oil man sang duh lo ve tho, thil man sang tur ven nana Zoram pumah lirtheia eizawngte lungawi lohna an lantir tuma lirtheia an ei zawnpui, mahni tanghma hai a, STA rate dik lova hmang/tlan thin ten an thlawp lo chu an tih tur awm reng ah an ngai a, mipuite pawn an chanvo rate dik lova la phur thin te chu do ngam turin an ngen.

Lirtheia ei zawngte an thuneihna hmang suala an zalenna rahbeh saka vau an nih hi democracy rama thil thleng atan chuan tha an ti lo va pawi an ti.

MCVU chuan an hlauh ang ngelin thil man chu a sang ta ngei a, a tuartu mi rethel te bawk anni chu pawi an ti a. Hei hi sawrkarin Diesel/Petrol man a tihhniam duh loh vang leh kawng chhia a ngaihthah vang a ni an ti.

Sawrkar hian zahngai se la, mi rethei ten an tawrh loh nan, kawng siam nan road tax pawh lirthei te ber thlenga a laksak tawh tho avangin, CESS atanga kawng siam nan thova min cut leh hi double taxation a ni a, hei vang hian thil man a sang zel dawn a, mi rethei ten tawrh phah zel dawn an ti a, CESS atanga tax lak hi la lo hram turin Zoram mipuite aiawhin an ngen tih an sawi.

MCVU chuan sawrkar hi kan do lo va, mipui rethei zawk ten an tawrh loh nan kawng chhe bawk oil man sang bawk hi tihniam a, kawng tha min pe turin an phut a, Party pakhat chuan an do emaw tiin mimal tu tute emaw an bei vak mai chu pawi an ti a, tun hnuah chuan pawl pakhat hmalakna avanga mimal beih hi ching tawh lo se an ti.