Aizawl February 2, 2023: C.Lalpekhlua, Mega Mister North East a nih lawmna chu vawiin khan Press mite nen Aizawl Press Club-ah neih a ni a, C. Lalpekhlua hi 2022 atan Mizoram atanga NE Mega Mister hmasaber a ni. Tun hi Mega Mister NE tum 12 an thlanna a ni. 

C.Lalpekhlua hi C.Remtluanga leh Lahlimpuii te tupa a ni a, Aizawl Venghnuai a cheng niin PUC-ah Education 6th semester zirlai a ni

Mega Entertainment hian Mega Mister North east bakah hian Sunsilk Mega Miss NE an thlang a, hei hi vawi 19 an neihna a ni thung a, tun tumah hian mizo nula pahnih, Isha Vanlalhriatrengi, Tuvamit, Aizawl leh Zorinsangi, Chhinga veng an tel a, anni hi finalist anni bawk.

N.E Mega Mister/Miss/ International (India) hi Mega Entertainment kal tlang a neih thin a ni a. Kumin 2023 hian Mega Mikster NE bik hi Beardo Company senso a buatsaih a ni a. Sunsilk Mega Miss a Top 3 thlan chhuah te Crown hi Caratlane Company in a sponsor bawk a ni.

He contest neihna ah hian Mizoram atangin a vawi khatna atan Ms Partei Colney chu he contest 2 ah hian judge atan ruat niin Amos MS Dawngzuala chu Mega Entertainment crew member a ni.

C.Lalpekhlua, Mega Mister North East a nih lawm nan hian heng a hnuai a mi te hian anmahni dawrtute tan discount an pe dawn.

1) C. Lalpekhlua lawmpuina atan hian Style & Go, Hlua Chhakchhuak chuan Spa tiduhte tan 10% discount February 3-7, 2023 thleng a pe dawn a ni.

2) Caratlane Aizawl Store ten an Jwellery te 20% or more off on Diamond Price a pe bawk a ni.

3) Escape Engmawia hian C.Lalpekhlua mamawh thawmhnaw a pe dawn bawk a ni.

4) Creation Unisex Salon dawrtu te tan 10% discount February 3-7, 2023 thleng an pe dawn bawk a ni.