Aizawl: Home Minister Lalchamliana chuan Zirtawpni khan Lunglei Fire Station a tlawh a, thawktute hnenah thu sawiin, "Mei hi a tangkai a, a lehlam ah chuan chhiatna rapthlak tak thlen tu a ni," a ti.

Home Minister Lalchamliana chuan Lunglei Fire Station in  ni 24th-26th April 2021 chhunga  Lunglei chhehvel  ramkang  vak thelhmih kawng a theitawp an chhuah avanga India ram pum huap a hnathawh that  chawimawina Subash Chandra Bose Aapda Prabandhan Puraskar 2023 an dawng chu a lawmpuiin a chhuan thu a sawi a, kangmei ven kawngah thawhona thatak nen theitawp chhuah theuh turin thawktu te a chah a ni. 

15th Finance Commission in India ram puma Fire Station tih changtlunna tura sum cheng vaibelchhe 1500 ruahman atangin Lunglei District  tan cheng vaibelchhe a 5 beisei thu a sawi a, hemi hmang hian Lunglei Fire Station leh Quater  sak a nih tur thu a sawi bawk. Home Minister hian Lunglei Fire Station in India ram pum huap kangmei ven kawnga hna thawh that  chawimawina dawn lawmpuinan pawisa fai engemawzat a pe a ni.

Home Minister Lalchamliana hi John Neihlaia, IGP (Hqrs), H. Ramthlengliana, DIG (Southern Range), Rahul Alwal, SP, Lunglei ten an tawiawm a ni.