ZALEN January 30, 2024 : Manipur University Student Union (MUSU) chuan thuchhuah siamin Mizo Zirlai Pawl (MZP) ten Mizoram University-a meitei zirlai, Teresa Ningthoujam-a Ph.D ti lai, silai mu leina atana sum tuak anga sawi, MZU-in a zirna tihtawp sak tura hmalakna chu tha lo an tih thu an tarlang.

MUSU chuan Manipur University-ah hian zirlai tam tak Manipur University-a inziaklut a, Kuki te kawng hrang hrang-ah an inhmang hriat an tam niin an sawi a, heng ho hian Meitei ten Kuki hmeichhia te University huangchhungah an pawngsual thin niin an sawi thin a, hetianga puhtute hi inkahna-ah te, ralthuam inpektawnna leh sum an khawnna nia sawi University-a sum khawnte tho khan a ni, an ti. Heng ho te hian an tan zawng te tan theihna an chhuah a, a ni lo zawngin thuziak pawh an chhawpchhuak thin a ni, an ti.

Thil thleng tam tak avangin Manipur University Student Union chuan mi dang tana rawng taka chetna an la nei lo an ti a, mimal harsatna thlen tura hmalak an tum lo niin an sawi. MUSU hian nem taka hma an lak avangin remna leh muanna, mimal inzahtawnna leh leh nunna atana pawi zawnga chet a duh loh avangin theihtawp a chhuah a, Manipur University hlawhtlinna pawh a ni, an ti.

Manipur University Student Union chuan zirna lama thahnemngai Mizo Zirlai Pawl (MZP) leh Mizoram University-a thuneitute chu zirna In tana a chhe zawnga che lo turin an duh an ti a, zirna In chu hetiang laka fihlim turin an duh bawk. MZP duh anga Mizoram University thuneitu ten an Ph. D. zirlai Teresa Ningthoaujam hi an thlauhthla a nih chuan Manipur University Student Union chuan an theih chin-ah hmalak an tum thu an tarlang bawk.