Aizawl : Mizoram sawrkar hnuai a Laboratory Technician Association hruaitute chuan COVID-19 Laboratory, Falkawn leh R.Dengthuama Hall, Quarantine Centre an tlawh a. Laboratory Technician te hna thawh dan leh an harsatna te an sawipui.

COVID-19 dona kawnga Laboratory Technician te tangkaina leh an thawhrim zia te, chhun leh zan pawh sawi lova mizo mipuite himna atana an inpek na te chu chhuanawm, tiin Association pawh in an chhuangin an thlawp tlat ani tih an sawi a. Tha thlah lova tang sauh sauh turin an fuih. An thawhrimna leh an inpek nate, COVID-19 hripui dona a a hmatawng an nih dante hriatpui a, tawngtaina nen a thawhpui zel turin mi tin an sawm bawk.